தடுப்பூசிகள் மூன்றாவது அலையை சமாளிக்க இந்தியாவுக்கு உதவலாம், ஆனால் தரவு இடைவெளிகள் ஆராய்ச்சியை தடுக்கிறது

சில மாநிலங்கள், கோவிட்-19 இறப்புகளில் தடுப்பூசி போடப்படாதவர்கள் அதிகமாகப் இருப்பதாக தெரிவிக்கின்றனர். ஆனால் தேசிய அளவில் கோவிட்-19 நோய்த்தொற்றுகளின் தடுப்பூசி நிலை குறித்த தரவு இல்லாதது, நோயின் தீவிரத்தை அளவிடும் இந்தியாவின் திறனைத் தடுக்கிறது.

தடுப்பூசிகள் மூன்றாவது அலையை சமாளிக்க இந்தியாவுக்கு உதவலாம், ஆனால் தரவு இடைவெளிகள் ஆராய்ச்சியை தடுக்கிறது
X

சென்னை: கோவிட் -19 க்கு எதிரான தடுப்பூசியின் தாக்கத்தை, மூன்றாவது அலையில் கடுமையான நோய் வருவதற்கான சாத்தியக்கூறுகளை பல இந்திய பிராந்தியங்கள் காணக்கூடும் என்று, உள்ளூர் அரசுகள் வெளியிட்ட சில தகவல்கள் காட்டுகின்றன. எவ்வாறாயினும், இந்தியாவின் சமீபத்திய கோவிட்-19 அலையின் பகுப்பாய்வு, சிறு தரவுகளின் கடுமையான பற்றாக்குறையால், மீண்டும் தடைபட்டுள்ளது.

செப்டம்பர் 9, 2021 அன்று, சுகாதாரம் மற்றும் குடும்ப நல அமைச்சகத்தின் (MoHFW) இந்திய மருத்துவ ஆராய்ச்சி கவுன்சில் (ICMR), நோயாளியின் தொலைபேசி எண்கள் மூலம் சுகாதாரம் மற்றும் குடும்ப நல அமைச்சகத்தின் கோவின் (COWIN) தடுப்பூசி தரவுத்தளத்துடன், மருத்துவ ஆராய்ச்சிக்கான இந்திய கவுன்சிலின் கோவிட்-19 சோதனைகளின் தரவுத்தளத்தை இணைப்பதன் மூலம், தடுப்பூசி டிராக்கரை அறிமுகப்படுத்துவதாக அறிவித்தது. இது தீவிர நோய் மற்றும் இறப்பு மீதான தடுப்பூசி நிலையின் தாக்கத்தை அளவிட, மருத்துவ ஆராய்ச்சிக்கான இந்திய கவுன்சிலை அனுமதிக்கும் என்று, இயக்குநர் ஜெனரல் பல்ராம் பார்கவா கூறினார்.

பின்னர் தொடங்கப்பட்ட தடுப்பூசி டிராக்கர், தடுப்பூசி நிலை மற்றும் வயது ஆகியவற்றின் அடிப்படையில் ஏப்ரல் 18, 2021 முதல் கோவிட்-19 இறப்புகள் குறித்த வாராந்திர தரவுகளின் வரைபடத்தைக் காட்டுவதாகத் தெரிகிறது. முதல் டோஸில் இருந்து இறப்பைத் தடுப்பதில் 98.4% தடுப்பூசி செயல்திறனையும், இரண்டு டோஸ்களில் இருந்து 99.1% தடுப்பூசி செயல்திறனையும் கொண்டுள்ளதாக, தரவு காட்டுகிறது என்று டிராக்கருடன் சுருக்கமான புள்ளிவிவரங்கள் கூறுகின்றன. இருப்பினும் இந்த தரவு, 48 நாள் பழையது. அதாவது, மருத்துவ ஆராய்ச்சிக்கான இந்திய கவுன்சில் டிராக்கரின் சமீபத்திய அதாவது நவம்பர் 28, 2021 அன்று வெளியானது.


ஆனால் இந்த டிராக்கரின் அடிப்படையிலான இறப்புகளின் துல்லியமான எண்ணிக்கை தெளிவாக இல்லை, கொள்கை மற்றும் செயலுக்காக அதன் பயன்பாட்டைக் கட்டுப்படுத்துகிறது. உதாரணமாக, தற்போதைய எழுச்சியில், அரசிடம் இந்த தரவுகள் இல்லை. "[இந்த அலையில் இறப்புகளின் தடுப்பூசி நிலை] தரவுகளை நாங்கள் பகுப்பாய்வு செய்யவில்லை... இவை பொதுவாக ஒரு மாதிரி ஆய்வாக அதிகம் செய்யப்படுகின்றன," என்று ஜனவரி 12, 2022 அன்று, செய்தியாளர்களிடம் சுகாதாரம் மற்றும் குடும்ப நல அமைச்சகத்தின் இணைச் செயலாளர் லாவ் அகர்வால் கூறினார். இந்த தகவலை நாங்கள் சேகரித்து வருகிறோம் என்று, மத்திய அரசின் கொள்கை சிந்தனைக் குழுவான நிதி ஆயோக் சுகாதாரத் துறை உறுப்பினர் வி.கே. பால் மேலும் தெரிவித்தார்.

ஐசிஎம்ஆரின் தடுப்பூசி டிராக்கர், நாட்டில் ஒவ்வொரு கோவிட்-19 இறப்புக்கும் தடுப்பூசி நிலையைப் படம்பிடிப்பது சாத்தியமில்லை என்று, பல மாநில அளவிலான சுகாதார நிர்வாகிகள் தெரிவித்தனர். உதாரணமாக, தமிழ்நாட்டில், கோவிட்-19 இறப்புகளின் தடுப்பூசி நிலை மருத்துவமனை அளவில் மட்டுமே உள்ளது மற்றும் மாநில அளவில் பராமரிக்கப்படவில்லை; மத்திய அரசு சமீபத்தில் இந்தத் தரவுகளைக் கேட்டபோது, ​​அவை தனியார் மருத்துவமனைகளில் இருந்து சேகரிக்கப்பட வேண்டும் என்று மாநில மருத்துவக் கல்வி இயக்குநர் நாராயண பாபு, இந்தியா ஸ்பெண்டிடம் தெரிவித்தார். பீகாரில், கடந்த கால அலைகளுக்கு கூட இந்தத் தரவுகள் கிடைக்கவில்லை என்று மாநிலத்தின் கூடுதல் தலைமைச் செயலாளர் (சுகாதாரம்) பிரத்ய அம்ரித், இந்தியா ஸ்பெண்டிடம் தெரிவித்தார். இந்தியா ஸ்பெண்ட் இது தொடர்பான கேள்விகளை ஐசிஎம்ஆர் உறுப்பினர் செயலாளரும், அதன் பயோமெடிக்கல் இன்ஃபர்மேட்டிக்ஸ் பிரிவின் தலைவருமான ஹர்ப்ரீத் சிங்கிடம் கேட்டது; அவர் பதில் அளிக்கும்போது நாங்கள் இக்கட்டுரையைப் புதுப்பிப்போம்.

ஆதரவு தரவைக் காட்டிலும், பெரிய கோரிக்கைகளை அரசு முன்வைப்பது இதுவே முதல் முறை அல்ல. ஏப்ரல் 2021 இல், தவறான மற்றும் பிழையான தரவுகளை இந்தியா ஸ்பெண்ட் கண்டறிந்ததன் அடிப்படையில் வெளியிடப்பட்ட ஆய்வில் காட்டப்பட்டதை விட தடுப்பூசியின் செயல்திறன் அதிகமாக இருப்பதாக பார்கவா கூறினார்.

அப்படியானால், கடுமையான நோயால் பாதிக்கப்பட்டவர்களில் பெரும்பாலானவர்கள் தடுப்பூசி போடப்படாதவர்கள், ஆனால் அடிப்படைத் தரவுகள் பகிரப்படாமல் உள்ளனர் என்பதைக் காட்ட, சில உள்ளூர் அரசுகளால் பகிரப்பட்ட சுருக்கமான புள்ளி விவரங்கள் உள்ளன.


உதாரணமாக, மும்பையில், ஜனவரி 6, 2022 நிலவரப்படி, ஆக்ஸிஜன் ஆதரவு படுக்கைகளில் அனுமதிக்கப்பட்ட 1,900 கோவிட் நோயாளிகளில் 96% பேர், தடுப்பூசியே போடப்படாதவர்கள் என்று, இந்தியா ஸ்பெண்டுடன் பகிரப்பட்ட நகர நிர்வாகத்தின் தரவு காட்டுகிறது. இருப்பினும், நகர நிர்வாகம் 100% மக்கள் குறைந்தபட்சம் ஒரு தடுப்பூசி டோஸைப் பெற்றுள்ளதாகக் கூறுவதால், இந்த தடுப்பூசி போடப்படாதவர்கள் யார் என்பது பற்றிய கேள்விகளை தரவு எழுப்புகிறது, மேலும் அவர்களின் தடுப்பூசி போடப்படாத நிலைதான் அவர்களை கடுமையான நோய்க்கு ஆளாக்கியது. "அவர்கள் நகர்வுகளில் இருக்கும் மக்களாகவோ அல்லது அண்டை மாவட்டங்களில் இருந்து சிகிச்சை பெற வந்தவர்களாகவோ இருக்கலாம்" என்று கூடுதல் நகராட்சி ஆணையர் (சுகாதாரம்) சுரேஷ் ககானி, இந்தியா ஸ்பெண்டிடம் தெரிவித்தார்.

கூடுதலாக, கடந்த ஒரு வருடத்திற்கான மும்பைக்கான தரவுகள், அதாவது பிப்ரவரி 2021 முதல் கோவிட்-19 இறப்புகளில் 94%, தடுப்பூசியின் ஒரு டோஸ் கூட பெறாதவர்கள் என்பதைக் காட்டுகிறது. இருப்பினும், 60 வயது மற்றும் அதற்கு மேற்பட்டவர்களுக்கு தடுப்பூசி போடும் திட்டம், மார்ச் 2021 இல் தொடங்கப்பட்டன, 45 வயது மற்றும் அதற்கு மேற்பட்டவர்களுக்கு ஏப்ரல் 2021 இல், மே 2021 இல், 18 வயது மற்றும் அதற்கு மேற்பட்டவர்களுக்கு, இரண்டாவது அலையில் இறப்புகள் ஏற்கனவே உச்சத்தில் இருந்த நேரத்தில் தான் தடுப்பூசி போடும்பணி தொடங்கியது.

கர்நாடகாவில், மாநிலத்தின் கோவிட் வார் அறையின் தலைவரான முனிஷ் மௌத்கில், இந்தியா ஸ்பெண்ட் உடன் பகிர்ந்துள்ள தரவு, டிசம்பர் 1, 2021 மற்றும் ஜனவரி 7, 2022 க்கு இடையில், தடுப்பூசி போடாதவர்களுக்கு, அறிகுறியுள்ள தொற்று இருப்பதற்கான வாய்ப்பு பத்து மடங்கு அதிகம் மற்றும் தடுப்பூசி போடப்பட்டவர்களை விட 30 மடங்கு அதிகமாக ஐசியு அல்லது உயர் சிகிச்சை பிரிவில் இருக்க வாய்ப்பு உள்ளது என்று அது காட்டுகிறது.


சென்னையில், 2021 ஆகஸ்ட் மற்றும் செப்டம்பர் மாதங்களில் கோவிட்-19 நோயால் இறந்தவர்களில் 87% பேரும், 2021 டிசம்பரில் கோவிட்-19 நோயால் இறந்தவர்களில் 69% பேரும் தடுப்பூசி போடப்படாதவர்கள் என்று நகரின் சுகாதாரத்துறை அதிகாரிகள் தெரிவித்தனர்.


மருத்துவமனையில் சேர்க்கப்படுதல் மற்றும் இறப்பு ஆகியவற்றில் தடுப்பூசியின் தாக்கம் பற்றிய சான்றுகளுக்கு பதிலாக, அரசு மற்ற நாடுகளின் தரவுகள் பக்கம் திரும்பி உள்ளது. ஜனவரி 12 அன்று, அகர்வால் நியூயார்க்கின் மாநில சுகாதாரத் துறையின் தரவை சமர்பித்தார், இது தினசரி புதிய கோவிட்-19 வழக்குகள் மற்றும் மருத்துவமனைகளில் முழுமையாக தடுப்பூசி போடப்பட்டவர்களுக்கும், காலப்போக்கில் தடுப்பூசி போடப்படாதவர்களுக்கும் உள்ள வித்தியாசத்தைக் காட்டுகிறது; இருப்பினும், அமெரிக்கா மிகவும் பயனுள்ள mRNA தடுப்பூசிகளைப் பயன்படுத்துகிறது (Pfizer-BioNTech போன்றவை) மற்றும் செப்டம்பர் 2021 முதல் பூஸ்டர் ஷாட்களை பயன்படுத்துகிறது.


அசோகா பல்கலைக்கழகத்தின் இயற்பியல் மற்றும் உயிரியல் பேராசிரியரும், தொற்று நோய் மாதிரியாளருமான கௌதம் மேனன், "இந்தியாவில் தொற்றுநோயின் தாக்கத்தைப் பற்றிய நமது புரிதலில் இது உண்மையில் மிகப்பெரிய இடைவெளியாகும்" என்று இந்தியா ஸ்பெண்டிடம் கூறினார். "ஒமிக்ரான் மாறுபாட்டிற்கு, தடுப்பூசிகள் கடுமையான நோய்களிலிருந்து பாதுகாக்க வேண்டும் என்பதில் வளர்ந்து வரும் ஒருமித்த கருத்து உள்ளது. ஆனால், இரண்டாம் அலையின் தாக்கத்தால், இந்தியா முழுவதும் உள்ள பெரும்பாலான பெரியவர்கள் எதிர்பார்க்கக்கூடிய கலப்பின நோய் எதிர்ப்பு சக்தி குறித்து நாங்கள் இன்னும் முற்றிலும் இருட்டில் இருக்கிறோம்," என்று மேனன் கூறினார். கலப்பின நோய் எதிர்ப்பு சக்தி என்பது முந்தைய தொற்று மற்றும் தடுப்பூசி மூலம் பெறப்பட்ட நோய் எதிர்ப்பு சக்தியின் கலவையை குறிக்கிறது. சுகாதாரம் மற்றும் குடும்ப நல அமைச்சகத்தின், நான்காவது நாடு தழுவிய கோவிட்-19 செரோசர்வேயின்படி, 74% இந்திய வயது வந்தவர்களில், முன் தொற்று அல்லது தடுப்பூசி அல்லது இரண்டிலும் கோவிட்-19 நோயெதிர்ப்பு சக்திகள் இருப்பது கண்டறியப்பட்டது என, இந்தியா ஸ்பெண்ட் ஜூலை 2021 கட்டுரை தெரிவித்தது.

"வெவ்வேறு தடுப்பூசிகளைப் பயன்படுத்தும் மற்றும் நோய்த்தொற்றுகள் மற்றும் தடுப்பூசிகள் இரண்டிலும் செரோபோசிட்டிவிட்டியின் வெவ்வேறு பின்னணிகளைக் கொண்ட பிற நாடுகளில் உள்ள முடிவுகளில் இருந்து பிரித்தெடுத்தல், இந்திய சூழலில் பயனுள்ளதாக இருக்காது. இந்த தரவு இல்லாததால், தற்போதைய ஒமிக்ரான் அலையின் எந்த நிலையிலும், ஐசியு சிகிச்சை தேவைப்படும் நோயாளிகளின் எண்ணிக்கை மற்றும் உடல்நலப் பாதுகாப்பு அமைப்பில் ஏற்படக்கூடிய மன அழுத்தம் ஆகியவை நியாயமான மதிப்பீடுகளைத் தடுக்கிறது" என்று மேனன் மேலும் கூறினார்.

உங்களின் கருத்துகளை வரவேற்கிறோம். கருத்துகளை respond@indiaspend.org என்ற முகவரிக்கு அனுப்பலாம். மொழி, இலக்கணம் கருதி அவற்றை திருத்தும் உரிமை எங்களுக்கு உண்டு.

Next Story