தொற்று நீடிக்கும் நிலையில், ஜூனியர் டாக்டர்கள் நல்ல ஊதியம் மற்றும் பணிச்சூழலை கேட்கின்றனர்

ஜூனியர் டாக்டர்கள் மீண்டும் கோவிட் -19 பணிக்கு உட்படுத்தப்பட வேண்டுமானால், தங்களுக்கு சிறந்த மற்றும் சரியான நேரத்தில் சம்பளம் வழங்க வேண்டும் என்று விரும்புகிறார்கள், தங்களின் நிபுணத்துவத்தைத் தொடர நேரம் கோருகின்றனர், மேலும் தேவையான மருத்துவ உள்கட்டமைப்பு மற்றும் பணியின் போது மனநல உதவி வழங்க வேண்டும் என்கின்றனர். ஜூனியர் டாக்டர்கள் [ஜே.டி.], ஜூனியர் இருப்பு மருத்துவர்கள் [ஜே.ஆர்] என்றும் அழைக்கப்படுகிறார்கள், முதுகலை மருத்துவ மாணவர்கள் மருத்துவமனைகளில் மூத்த மருத்துவர்களின் கீழ் நிபுணத்துவம் பெற்ற பகுதியைத் தொடர்கின்றனர்

ஜூனியர் டாக்டர்களின் குறைகளை புரிந்து கொள்ள, இந்தியாஸ்பெண்ட் மத்திய பிரதேசத்தில் உள்ள அரசு மருத்துவக் கல்லூரிகளில் இருக்கும் ஜூனியர் மற்றும் மூத்த மருத்துவர்கள், மருத்துவமனை நிர்வாகிகள் மற்றும் அரசு பிரதிநிதிகளுடன் பேசியது. மத்திய பிரதேசத்தின் தான், இது போன்ற ஆறு கல்லூரிகளில் 3,000 ஜூனியர் இருப்பு மருத்துவர்கள், கூட்டாக தங்கள் வேலைகளை ராஜினாமா செய்துள்ளனர். மத்தியப்பிரதேச உயர்நீதிமன்ற உத்தரவு, மே 31 அன்று தொடங்கிய வேலைநிறுத்தத்தை சட்டவிரோதமானது என்று அறிவித்ததை அடுத்து, மாநிலத்தின் 76 அரசு மருத்துவக் கல்லூரிகளைச் சேர்ந்த ஜூனியர் மருத்துவர்கள் அவர்களுக்கு ஆதரவளித்தனர். ஜூன் 7 ம் தேதி மாநில அரசு, அவர்களின் கோரிக்கைகளுக்கு ஒப்புக் கொண்டு அவர்களின் சம்பளத்தை 17% உயர்த்தியதை அடுத்து மருத்துவர்கள் பணியில் சேர்ந்தனர்.

தொற்றுநோய் காலத்தில், ஜூனியர் மருத்துவர்கள் மற்றும் மருத்துவ ஊழியர்கள் அடிப்படை உரிமைகளுக்காக கூட போராட வேண்டியிருந்தது: அதாவது நல்ல சம்பளம், நோயாளிகளின் குடும்பங்களின் தாக்குதல்களில் இருந்து பாதுகாப்பு, சிறந்த பணியாளர்கள் சூழல், தரமான மருத்துவமனை உபகரணங்கள் மற்றும் மருத்துவ உதவி. சில பட்டதாரிகளும் விரக்தியில் தங்கள் வேலையை ராஜினாமா செய்துள்ளனர்.

கோவிட் -19 பணிக்கென அதிகாரப்பூர்வமாக நியமிக்கப்பட்ட அரசு மருத்துவக் கல்லூரிகளில், ஜூனியர் டாக்டர்கள் தங்களது மூன்று ஆண்டு முதுகலை படிப்புக்கு இடையூறு ஏற்பட்டுள்ளதாக கூறுகின்றனர், இது அவர்களின் தொழில் முன்னேற்றம் குறித்து கேள்விக்குறியாக்குகிறது. தொற்றுநோய்க்கு சற்று காலம் முன்பு, முதுகலை படிப்பைத் தொடங்கியவர்களுக்கு, மூன்று ஆண்டுகளில் இரண்டு ஆண்டுகள், கோவிட் -19 பணிக்காகவே செலவிடப்பட்டிருக்கும். "இது அவர்களுக்கு பயனுள்ளதாக இருக்காது" என்று போபாலில் உள்ள காந்தி மருத்துவக் கல்லூரியின் (ஜிஎம்சி) சுவாச மருத்துவத்தின் இணை பேராசிரியர் பராக் சர்மா கூறினார்.

உதாரணமாக, ஜி.எம்.சி.யில், 400 அல்லது அதற்கு மேற்பட்ட ஜூனியர் டாக்டர்களில் ஒவ்வொருவரும் கடந்த இரண்டு அலைகளின் போது கோவிட் -19 பணியில் ஈடுபடுத்தப்பட்டதை நாங்கள் கண்டோம். கோவிட் -19 சிகிச்சையுடன் எந்த தொடர்பும் இல்லாத அறுவை சிகிச்சை, எலும்பியல் மற்றும் கண் மருத்துவம் போன்ற துறைகளுக்கு பதிவு செய்தவர்களும் இதில் அடங்குவதாக, மருத்துவர்கள் தெரிவித்தனர்.

ஜூனியர் டாக்டர்களும் தங்கள் கோவிட் -19 பணிகள், பெரும்பாலும் கையால் செய்யக்கூடிய பணிகளில் ஈடுபடுத்தப்பட்டதாகக் கூறினர். "ஒரு மருத்துவருக்கான பணி நோய் பரிசோதனை, நோயாளியை கண்காணிப்பது உள்ளிட்டவை; அதேசமயம் நாங்கள் தொழில்நுட்ப வல்லுநர்கள், கண்காணிப்பு உபகரணங்கள், வென்டிலேட்டர்களை வார்டுகளில் அமர்த்தப்பட்டதோடு, PMCARES மூலம் வந்த பல வென்டிலேட்டர்களை கையால் எடுத்து வந்தோம்," என்று, 24 வயதான மோஹித் பஞ்சோலி கூறினார்; இவர், போபாலில் உள்ள ஜி.எம்.சி.யில் முதுகலை அறுவை சிகிச்சை (எம்.எஸ்) படிப்பில் தனது முதல் ஆண்டு படித்து வருகிறார். (2020 மார்ச் மற்றும் ஏப்ரல் மாதங்களில் சுமார் 2,350 கோடி ரூபாய் மதிப்புள்ள 60,000 வென்டிலேட்டர்களுக்கு மத்திய அரசு, பிரதமரின் குடிமக்கள் உதவி மற்றும் அவசரகால சூழல் நிதியின் (PMCARES) கீழ் ஓரளவு உத்தரவு பிறப்பித்தது, பிரதமர் நரேந்திர மோடியின் தலைமையில், ஒரு தனியார் தணிக்கை செய்யப்பட்ட நிதி மற்றும் மார்ச் 27, 2020 அன்று உருவாக்கப்பட்டது).

'எந்த ஆயத்தமும் ஆகாமல் நெருக்கடியில் தள்ளப்பட்டோம்'

ஜூனியர் டாக்டர்கள் - நர்சிங் ஊழியர்களுடன் - மருத்துவமனைகளின் அன்றாட செயல்பாட்டில் மிக முக்கியமானவர்கள், ஏனெனில் அவர்கள் பொதுவாக அதிக எண்ணிக்கையில் உள்ளனர். "எந்தவொரு மருத்துவக் கல்லூரியிலும், மக்களில் மிகப் பெரிய பிரிவு ஜூனியர் டாக்டர்கள்தான். அவர்களை சார்ந்து நிறைய உள்ளன" என்று சர்மா கூறினார்.

இருப்பினும், இந்தியாவின் சுகாதார மையங்களில் நிறுவப்பட்ட அமைப்புகள் கூட, தொற்றுநோய் நெருக்கடி காலத்தில் சரிந்தன மற்றும் கடுமையான ஊழியர்களின் பற்றாக்குறை, மருத்துவர்களிடையே அதிக தொற்றுநோய்கள் மற்றும் தனிமைப்படுத்தப்பட்ட தேவைகள் ஆகியவற்றால், ஜூனியர் டாக்டர்கள் தங்களுக்கு அறிமுகமில்லாத பணிகளுக்கு கூட இழுக்கப்பட்டனர், இது பரவலான அதிருப்திக்கு வழிவகுத்தது.

தொற்றின் முதல் அலையின் போது, 1,492 மருத்துவர்கள் கோவிட் -19 இறந்ததாக, இந்திய மருத்துவ சங்கம் (ஐ.எம்.ஏ) கூறியது; இரண்டாவது அலையில் மட்டும் 800 இறப்புகளை அது காட்டியது. அனைத்து மருத்துவர்களும் கோவிட் -19 பரவலின் போது தங்கள் பணி வரம்புக்கு அப்பாற்பட்டும் வேலை செய்யும்படி கேட்டுக் கொள்ளப்பட்டனர், உடலுக்கு சங்கடம் தரக்கூடிய பாதுகாப்பு கவச உடைகளில் இருந்தவாறு நீண்ட நேரம் பணிபுரிந்தனர் மற்றும் ஜூலை 11 நிலவரப்படி இந்தியாவில் குறைந்தது 408,792 பேரைக் கொன்ற ஒரு தொற்று நோயால், தங்களையும் தங்கள் குடும்பத்தினரையும் ஆபத்தில் ஆழ்த்தினர்.

ஜூன் 25 வரை, மத்திய பிரதேசத்தில் 38 பயிற்சியாளர்கள் கோவிட் -19 பணியின் போது இறந்தனர் (பட்டியலில் பயிற்சியாளர்கள், ஜூனியர் இருப்பு டாக்டர்கள், பொது பயிற்சியாளர்கள் மற்றும் தனியார் மற்றும் அரசு மையங்களில் மூத்த மருத்துவர்கள் உள்ளனர்) என்பதை, ஐ.எம்.ஏ தரவு காட்டுகிறது. போபாலின் ஜி.எம்.சி.யில் ஜூனியர் இருப்பிட மருத்துவரும், மத்திய பிரதேச ஜூனியர் டாக்டர்கள் சங்கத்தின் பிராந்திய தலைவருமான ஹரீஷ் பதக், இரண்டாவது அலையின் போது மட்டும், மத்திய பிரதேச மருத்துவ சமூகத்தில் (நவீன மருத்துவ மருத்துவர்கள், செவிலியர்கள், ஆயுஷ் மருத்துவர்கள்) கோவிட் -19 பணியின் போது, 173 பேர் உயிரிழந்துள்ளதாக தெரிவித்தார்.

"மத்திய பிரதேச அரசிடம் இருந்து எந்தவொரு ஆயத்தமும், உதவித்தொகையும், ஊக்கத்தொகை, பணிப்பாதுகாப்பு இல்லாமல் நாங்கள் இப்பணிக்குள் தள்ளப்பட்டோம். டாக்டர்களின் உதவித்தொகை உயர்த்தப்பட்ட மகாராஷ்டிரா மற்றும் உத்தரபிரதேசம் போல் அல்லாமல், முதல்வர் சிவராஜ் சிங் சவுகான் எங்களுக்கு உறுதியளித்த ரூ .10,000 கோவிட்-வெகுமதி தொகையை கூட நாங்கள் பெறவில்லை,"என்றார் பதக்.

இந்தியாவில், மருத்துவ ஆர்வலர்களுக்கான வழக்கமான பாதை இதுபோல் தெரிகிறது: அவர்கள் தேசிய தகுதி மற்றும் நுழைவுத் தேர்வை (இளங்கலை) முடித்து தகுதி பெற்றவுடன், அவர்கள் 4.5 ஆண்டு இளங்கலை (எம்பிபிஎஸ்) படிப்பில் சேருகிறார்கள், அதன்பின்னர் ஒரு வருடம் கிராமப்புற மையம் அல்லது நகர்ப்புற பொது மருத்துவமனையில் பயிற்சியாளர்களாக பணியாற்றுகிறார்கள். பின்னர் அவர்கள் மருத்துவம் (எம்.டி) அல்லது மாஸ்டர் ஆஃப் சர்ஜரி (எம்.எஸ்) ஆக தகுதி பெற முதுகலை படிப்புக்கு செல்லலாம்.

மருத்துவ சமூகத்திற்கு, முதுகலை ஆண்டுகள் மிக முக்கியமானவை. இதற்குப் பிறகு, கிராமப்புற இந்தியாவில் மாணவர்கள் ஒரு வருட கால பிணைக்கப்பட்ட பணிக்காக வெவ்வேறு மருத்துவ மற்றும் மருத்துவ அல்லாத நடைமுறைகளில் பரவினர். அதன்பிறகு, அவர்கள் வேலை செய்யத் தேர்வு செய்யலாம் அல்லது கூடுதல் நிபுணத்துவத்தைப் பெறலாம்.

கூட்டு எதிர்ப்பு

இரண்டாவது அலையின் உச்சகட்டம் கடந்து இரண்டு மாதங்களுக்குப் பிறகு, ஜூன் 3, 2021 அன்று, மத்தியப் பிரதேசத்தின் ஜூனியர் டாக்டர்கள் சங்கத்தின் (ஜுடா-எம்.பி.) கீழ் ஆறு மாநில மருத்துவக் கல்லூரிகளில் கிட்டத்தட்ட 3,000 இருப்பிட ஜுனியர் டாக்டர்கள், கூட்டாக தங்கள் வேலைகளை ராஜினாமா செய்ததாக, நாங்கள் முன்பு சொன்னோம். கிட்டத்தட்ட 3,500 மூத்த மருத்துவர்களின் ஆதரவு அவர்களுக்கு இருந்தது என்று பதக் கூறினார்.

ஆறு மாதங்களாக, மத்திய பிரதேச அரசு நடத்தும் மருத்துவக் கல்லூரிகளில், நோயாளி இறந்து துயரப்படும் குடும்பங்களால் தாக்கப்படக்கூடிய சூழ்நிலையில், ஜூனியர் இருப்பு மருத்துவக்ரள் பாதுகாப்பு கேட்டுக் கொண்டிருந்தனர்; அத்துடன், 2018 முதல் நிலுவையில் உள்ள அவர்களின் சம்பளம், 6% வருடாந்திர ஊதிய அதிகரிப்பு, 24% உதவித்தொகை உயர்வு, மருத்துவ சமூகத்தின் உறுப்பினர்களுக்கான கோவிட் -19 படுக்கைகளை முன்பதிவு செய்தல், கல்லூரிக் கட்டணங்களைக் குறைத்தல் மற்றும் அவர்களின் ஆய்வின் முடிவில் கட்டாயமாக ஆண்டு முழுவதும் கிராமப்புற பணி ஆகியவற்றை நீக்கக்கோரினர். அவர்களுக்கு மாநில மருத்துவக்கல்வி அமைச்சர் விஸ்வாஸ் சரங் பல்வேறு வாய்மொழி உத்தரவாதங்களை வழங்கினார், ஆனால் இவை எதையும் உறுதியானதாக மாறாத நிலையில்தான், ஜூனியர் டாக்டர்கள் தங்களது கூட்டு ராஜினாமா கடிதத்தை வழங்குவதாகக் கூறினர்.

"நாங்கள் கூட்டாக ராஜினாமா செய்ய நிர்பந்திக்கப்பட்டோம்," என்று ஜி.எம்.சி.யின் பதக் கூறினார், அவர் "மோசமான நாள்" என்று அழைத்ததை நினைவு கூர்ந்தார். காவல்துறையினர் தனது வீட்டிற்கு வருகை தந்ததாகவும், வேலைநிறுத்தத்தை நிறுத்தும் வகையில், பதக்கை சமாதானப்படுத்தும்படி தனது பெற்றோரை வற்புறுத்தவோ அல்லது அச்சுறுத்தவோ முயன்றதாகவும் அவர் கூறினார். "ஆனால் நாங்கள் வரவில்லை ... தொற்றுநோய் காலத்தில் மருத்துவர்களின் [கோரிக்கைகளுக்கு] முன்னுரிமை கொடுக்கப்படவில்லை," என்று பதக் கூறினார்.

மத்திய பிரதேசத்தின் முதல் கோவிட் -19 நோயாளி 2020 மார்ச் மாதம் ஜபல்பூர் மருத்துவமனையில் கண்டறியப்பட்டார். அன்றில் இருந்து, மாநிலத்தின் ஜூனியர் டாக்டர் மற்றும் பயிற்சியாளர்கள் அவசரகால கொரோனா வைரஸ் பணிக்கு மாற்றப்படுகிறார்கள்.

மாநிலத்தின் முதுகலை மாணவர்கள், இளங்கலை பயிற்சியாளர்களுடன் மே 6 ஆம் தேதி முன்னதாகவே வேலைநிறுத்தத்தில் ஈடுபட்டிருந்தனர், ஆனால் அரசு பல்வேறு உத்தரவாதங்களை வழங்கிய சில மணிநேரங்களுக்கு பிறகு, மீண்டும் தங்கள் பணியை தொடங்கினர். ஆனால் இந்த சிக்கலான காலகட்டத்தில் - ஆர்ப்பாட்டங்கள், வேலைநிறுத்தங்கள் மற்றும் ராஜினாமாக்கள் என்ற தொடர் சிக்கல் ஆறு மாதங்களுக்கும் மேலாக குறிக்கப்பட்டுள்ளது - இக்கட்டான நேரத்தில் நோயாளிகளை கஷ்டப்படுத்த ஜூனியர் டாக்டர்கள் விரும்பவில்லை என்பதை அவர் சுட்டிக்காட்டினர். அவர்கள் ராஜிமானா செய்த பிறகும் கூட, மருத்துவமனை வளாகத்திற்கு வெளியே, அவர்கள் கூடாரங்களின் கீழ் , புற நோயாளிகள் பிரிவை ஏற்படுத்தி, ரத்த தானம் உள்ளிட்ட சேவகைகளை தொடங்கினர், மேலும் தங்கள் பணியில் தங்கள் "அர்ப்பணிப்பை" காட்ட உணவு விநியோக நெட்வொர்க்குகளை அமைத்ததாக, பதக் கூறினார்.

பற்றாக்குறை குறித்த எச்சரிக்கைகள் புறக்கணிக்கப்பட்டன: மருத்துவர்கள்

டாக்டர்களின் எச்சரிக்கைகள் இருந்தபோதிலும், தொற்றுநோயின் இரண்டு அலைகளும் இந்தியாவின் சுகாதார நிர்வாகத்தை பற்றிக் கொண்டன. நாங்கள் முன்பு கூறியது போல, மருத்துவமனைகளில் கடுமையான ஆக்ஸிஜன் பற்றாக்குறை, மற்றும் ஊழியர்களின் பற்றாக்குறை இருந்தது.

உதாரணமாக, மத்திய பிரதேசத்தில், முதல் அலை உச்சத்திற்கு ஏறக்குறைய இரண்டு மாதங்களுக்கு முன்பு மருத்துவமனை படுக்கைகள் 2020 ஜூலை-ஆகஸ்ட் மாதங்களில் முழுமையாக ஆக்கிரமிக்கப்பட்டன. இதைக் கவனித்த மாநில மருத்துவர்கள், இரண்டாவது அலை உச்சத்திற்கு மூன்று மாதங்களுக்கு முன்பு, 2021 ஜனவரியில் சிறந்த மருத்துவ உள்கட்டமைப்பு மற்றும் மேம்பட்ட பணிச்சூழலின் அவசியத்தை அரசுக்கு சுட்டிக்காட்டியதாக, பதக் கூறினார். பரிந்துரைகளுக்கு அரசு செவிசாய்க்கவில்லை என்று மருத்துவர்கள் தெரிவித்தனர்.

மருத்துவர்களின் பற்றாக்குறையையும் எதிர் நோக்க வேண்டியிருக்கலாம் என்று நிபுணர்கள் தெரிவித்தனர். இந்தியாவுக்கான உலக சுகாதார அமைப்பின் பரிந்துரைகளின்படி, சிறந்த மருத்துவர்-மக்கள் தொகை விகிதம் 1: 1,000 ஆகும். இந்தியாவில் 1 மில்லியனுக்கும் அதிகமான நவீன மருத்துவர்கள் உள்ளனர் (இதில், 80% கிடைக்கூடியது என்று கருதப்படுகிறது) என்று, சுகாதார அமைச்சகம் மார்ச் மாதம் மக்களவையில் கூறியது. இது ஒரு மருத்துவர்-மக்கள் தொகை விகிதம் 1: 1,308 என்று உள்ளது. ஆனால், மத்திய பிரதேசத்தில், இது 2,630 பேருக்கு ஒரு மருத்துவர் என்று குறைவதாக, இந்தியாஸ்பெண்ட் கணக்கீடுகள் காட்டுகின்றன.

இரண்டாவது அலைகளின் போது, ​​அதிக அளவில் உருமாறிய வைரஸ் பரவிய நிலையில், மருத்துவமனைகள் அவற்றின் மனித வளங்கள் எல்லா வரம்புகளையும் தாண்டி செயல்பட்டன.

கோரிக்கைகள் நியாயப்படுத்தப்பட்டன, வேலைநிறுத்தம் அல்ல: டீன்

ஜி.எம்.சி.யில் உள்ள மோஹித் பஞ்சோலி, வேலைநிறுத்தம் செய்வதற்கான நோக்கத்தை அறிவித்தபோது, . "நீங்கள் ஏன் வேலைநிறுத்தத்தில் இருக்கிறீர்கள்?" என்று, ஜூனியர் டாக்டர்களிடம் கேட்கப்பட்ட கேள்விகளை நினைவு கூர்ந்தார் "நீங்கள் வீரர்களைப் போல எல்லைகளில் போராடுகிறீர்களா?" என்றும் கேட்கப்பட்டது. முன்பில்லாத வகையில் இந்த மருத்துவ நெருக்கடியில் சிக்கியிருக்கக் கூடாது என்று இளம் மருத்துவர்கள் சுட்டிக்காட்டினர். பெரும்பாலும் "போர்" என்று விவரிக்கப்படுகிறது, மேலும் அவர்கள் தயாராக இல்லாத பொறுப்புகளை ஏற்க வேண்டிய கட்டாயத்தில் உள்ளனர்.

"ஜூனியர் இருப்பிட மருத்துவர்கள், கோவிட் பணிக்கு நியமிப்பது அவர்களின் தவறு. ஆயினும், நாங்கள் கடமைகளை நிறைவேற்றினோம், ஆனால் அவர்கள் எங்களை ஒரு பொருட்டாகக்கூட எடுத்துக் கொள்ளவில்லை, "என்றார் பஞ்சோலி.

ஜி.எம்.சி.யின் புதிய டீன் ஜிதன் சுக்லா, ஜூனியர் டாக்டர்களின் மனக்குறைகளை ஏற்றுக்கொள்வதாகக் கூறினார், ஆனால், அது இன்னும் வேலைநிறுத்தத்திற்கு உத்தரவாதம் அளிக்கவில்லை. "2020ம் ஆண்டில் இருந்தே, விஷயங்கள் தவறாக நடந்து கொண்டிருக்கின்றன. ஏனெனில் [மருத்துவமனையில்] அனைத்து [மருத்துவ] கிளைகளும் கோவிட் -19 தொற்றுக்கான பணிகளை செய்தன. அவர்கள் (ஜூனியர் டாக்டர்கள்) நிபுணத்துவம் பெற்ற கிளைகளில் வெளிப்படுத்தும் வாய்ப்பு கிடைக்கவில்லை, எடுத்துக்காட்டாக, அறுவை சிகிச்சைகள், எலும்பியல், ஈ.என்.டி. ஆனால் வேலைநிறுத்தத்தை எந்தவொரு சந்தர்ப்பத்திலும் நியாயப்படுத்த முடியாது,"என்று அவர் கூறினார்.

இரண்டு அலைகளின் போது மருத்துவர்கள் கடும் அழுத்தத்தின் கீழ் பணிபுரிந்தனர், இது குறைந்த உதவித்தொகை குறித்த அவர்களின் மனக்கசப்பை அதிகரித்திருக்கலாம் என்று சுக்லா கூறினார்.

ஜூடா (JUDA) வின் கோரிக்கையின்படி, ஜூனியர் மருத்துவர்களின் கோரிக்கைகளுக்கு அரசு ஒப்புதல் அளித்துள்ளது மற்றும் அவர்களின் சம்பளத்தை 17% அதிகரித்துள்ளது என்றும் சுக்லா சுட்டிக்காட்டினார். பிற கோரிக்கைகள் தொடர்பான உத்தரவுகள் விரைவில் வெளியிடப்படும், மேலும் அவர்களின் தேவைகள் விரைவில் பூர்த்தி செய்யப்படும் என்று மருத்துவர்கள் உறுதியளித்துள்ளனர், ஏனெனில் "அரசு நடைமுறைகள் நீண்ட நேரம் எடுக்கும்" என்றார்.

கடந்த மாதம் தணிக்கத் தொடங்கிய இரண்டாவது அலை, போபாலின் மருத்துவ சேவைகளை குழப்பத்தில் ஆழ்த்தியுள்ளது. "இந்த அமைப்பு சுமையாக உள்ளது. நெருக்கடியான தருணங்களில் கூட, நோயாளிகள் மற்றும் அவர்களது குடும்பத்தினரை மருத்துவ கையுறைகள் மற்றும் ஊசி போன்ற அடிப்படை விஷயங்களை இயக்க [பெற] பார்க்க வேண்டும். இது இதயத்தை நொறுங்கச்செய்யும், "என்றார் பஞ்சோலி.

ஜி.எம்.சியின் மூன்றாம் நிலை பராமரிப்பு மையமான ஹமீடியா மருத்துவமனையின் விபத்து வார்டில் பணி அமர்த்தப்பட்ட ஒரு பயிற்சியாளர் ஹிமங்க் அகர்வால், தன்னிடம் 22 கோவிட் 19 அல்லாத படுக்கைகள் மட்டுமே இருந்தன (ஜூன் 20, 2021 வரை) ஏனெனில் பொது வார்டுகள் வேறு இடங்களில் ஏற்படுத்தப்படவில்லை. "இப்போது, ​​கோவிட் அல்லாத நோயாளிகள் ஆக்ஸிஜன் போன்ற வளங்கள் இல்லாததால் இறந்து கொண்டிருக்கிறார்கள், ஏனெனில் இரண்டாவது அலையின் போது அனைத்தும் பயன்படுத்தப்பட்டன," என்று அவர் கூறினார்.

ஜூனியர் மருத்துவ மாணவர்களும் போராட்டத்தை ஆதரித்தனர். ஜி.எம்.சி.யின் எம்.பி.பி.எஸ் மாணவர் அனிகேத் பமீச்சா, 22, மத்திய பிரதேசத்தில் மருத்துவக்கல்வி நிலை குறித்து , அவர்கள் விரக்தியடைந்துள்ளதாக கூறினார். "கடந்த 3-4 ஆண்டுகளில் மட்டும், பல புதிய மருத்துவக்கல்லூரிகள் மாநிலத்தில் காளான் போல முளைத்தன. ஹைடெக் உள்கட்டமைப்பு இல்லாத மருத்துவக் கல்லூரி கட்டிடத்தைத் திறப்பதற்கான பந்தயத்தை விட, பழைய நிறுவப்பட்ட கல்லூரிகளில் மருத்துவ உள்கட்டமைப்பை உருவாக்குவதில் அவர்கள் கவனம் செலுத்த வேண்டும்," என்றார் பமீச்சா. "விதிஷா போபாலில் இருந்து ஒரு மணிநேரம் தொலைவில் உள்ளது, ஆனால் அது சிவராஜ் சிங் சவுகானின் தொகுதி, எனவே அவர் அங்கு ஒரு கல்லூரியைத் திறந்தார்" என்றார். 2011 முதல், மத்திய பிரதேசத்தில் குறைந்தது ஏழு புதிய மருத்துவக் கல்லூரிகள் நிறுவப்பட்டுள்ளன.

கடந்த ஆண்டு வரை, எம்.எஸ் மாணவர்களுக்கான ஜி.எம்.சியின் ஆண்டு கட்டணம் ரூ.66,000 ஆக இருந்தது, ஆனால் இது இந்த ஆண்டின் தொடக்கத்தில் ரூ. 1.18 லட்சமாக உயர்த்தப்பட்டது - இதுவும் JUDA -வுக்கு ஒரு கவலையாக இருந்தது, இது அரசு கல்லூரி அதிக கட்டணம் உடையதாக இருக்கக்கூடாது என்றது. போராட்டங்களின் போது, ​​கட்டணம் ரூ .84,000 ஆக குறைக்கப்பட்டது (திருப்பித் தரக்கூடிய ரூ .14,000 உட்பட).

நிபுணத்துவத்திற்கு சிறிது நேரம்

கோவிட் -19 நெருக்கடி நாடு முழுவதும், ஜூனியர் டாக்டர்களை எப்போதும் பரபரப்பாக வைத்திருக்கிறது, ஆனால் இது அவர்களின் வாழ்க்கைக்கு ஒரு பின்னடைவாகவும் உள்ளது. ஒரு மாதத்தில், அவர்கள் 14 நாட்களுக்கு கோவிட் -19 பணிக்கு நியமிக்கப்பட்டனர் - வார்டில் ஏழு நாட்கள் தொடர்ந்து ஏழு நாட்கள் தனிமைப்படுத்தப்பட்டனர். மீதமுள்ள நாட்களில் மட்டும் தான், அவர்கள் தங்களது நிபுணத்துவம் வாய்ந்த துறைக்காக செலவிட முடியும். ஆனால் இரண்டாவது அலை கையை விட்டு கட்டுமீறிச் சென்றதும், வாராந்திர தனிமைப்படுத்தலைத் தவிர்க்கும்படி அவர்களுக்கு அறிவுறுத்தப்பட்டது.

கோவிட்19 அல்லாத நோயாளிகள் மருத்துவமனைகளுக்கு வருவதால், ஜூனியர் மருத்துவர்கள் தங்கள் நிபுணத்துவம் வாய்ந்த பகுதிகளுக்கு மிகக் குறைவான வாய்ப்புகளையே பெறுகிறார்கள் என்பதும் இதன் பொருள். உதாரணமாக, பஞ்சோலி, அறுவை சிகிச்சைகள் பிரிவை எடுத்தாலும், அவர் தேர்ந்தெடுத்த துறையில் எந்த நடவடிக்கையும் காட்ட முடியவில்லை என்று கூறினார். இந்த சிக்கல், மருத்துவ துறைகளில் பொருந்தும், நோயாளிகளுக்கு நேரடியாக கலந்து கொள்ளாதவர்களுக்கு கூட - எடுத்துக்காட்டாக மருத்துவ உயிர் வேதியியல் (M.Sc).

"இது என் நேரத்தை வீணடித்தது. நான் மருத்துவம் கற்க விரும்பியிருந்தால், நான் எம்.டி.யைத் தேர்ந்தெடுத்திருப்பேன். நிச்சயமாக, நாங்கள் கோவிட்டில் சில புதிய விஷயங்களைக் கற்றுக்கொண்டோம், ஆனால் அது எனது நிபுணத்துவம் பெற்ற பிரிவில் அல்ல "என்று பஞ்சோலி கூறினார்.

கோவிட் -19 வார்டுகளில் செலவழித்த நேரம் ஜூனியர் இருப்பிட டாக்டர்களின் கல்விக்கு ஒரு பின்னடைவு என்று, ஜிஎம்சியின் இணை பேராசிரியர் பராக் சர்மா கூறினார். "இது இப்போது எங்களுக்கு இருக்கும் மிகப்பெரிய அச்சம், தற்போது அவர்களின் முதுகலை பட்டப்படிப்பை செய்து வரும் தொகுதி அந்தந்த துறைகளில் [முந்தைய தொகுதிகள் போல] கற்றுக்கொள்ளப்படாது" என்று அவர் கூறினார்.

மருத்துவத்திற்கான தேசியத்தகுதி மற்றும் நுழைவுத்தேர்வு (நீட்) 2021-க்குத் தயாராகும் மாணவர்கள், தங்கள் எதிர்காலம் குறித்து இருளில் உள்ளனர். ஜூலை மற்றும் அக்டோபர் மாதங்களுக்கு இடையில் மூன்றாவது அலை வரும் என மதிப்பிடப்பட்ட நிலையில், தேர்வு மீண்டும் ஒத்திவைக்கப்படுவதற்கான வாய்ப்புகள் உள்ளன. நீட் 2020 ஆலோசனை செயல்பாட்டில் இரண்டு மாதங்கள் தாமதத்திற்குப் பிறகு, பஞ்சோலி தனது பாடத்திட்டத்தில் சேர்ந்தார் (கல்லூரிகளையும் துறைகளையும் மதிப்பெண்களின் அடிப்படையில் தீர்மானிக்கப் பயன்படுகிறது). மருத்துவ பதவிகளுடன் முதுகலை மற்றும் இளங்கலை படிப்புகளில் இறுதித் தேர்வுகள் நிறுத்தப்பட்டன.

நவீன மருத்துவத்துடன் இணையாக, ஆயுர்வேத சிகிச்சைக்கு அரசு மேற்கொண்ட முயற்சிகள் குறித்து மருத்துவத் துறையினர் மத்தியில் கோபம் அதிகரித்து வருகிறது, இது "மிக்சோபதி" என்ற கலப்பட மருத்துவ முறைக்கு வழிவகுக்கும் என்று மருத்துவர்கள் கூறினர். இந்திய மருத்துவ மத்திய கவுன்சில் (முதுகலை ஆயுர்வேத கல்வி) திருத்த விதிமுறைகள்- 2020 பொது அறுவை சிகிச்சை முறைகளைச் செய்ய ஆயுர்வேதத்தின் குறிப்பிட்ட நீரோடைகளில் முதுகலை பயிற்சியாளர்களுக்கு அங்கீகாரம் அளிக்கிறது.

அதிர்ச்சியும், அதன் பின்விளைவும்

ஜி.எம்.சி-யில் உள்ள அனைத்து ஜூனியர் இருப்பிட மருத்துவர்களில் 400 பேர், நாங்கள் சொன்னது போல, இரண்டு அலைகளுக்கு மேலாக கோவிட் -19 அவசரநிலைக்கு பணியாற்றியுள்ளனர். ஒவ்வொரு நாளும் ஒன்று-இரண்டு இறப்புகளைப் பார்க்கும்போது பெரும்பாலானோர் சோர்வு மற்றும் உணர்ச்சி உணர்வின்மை பற்றி புகார் கூறினர். "நாங்கள் பழகிவிட்டோம், ஆரம்பத்தில் நான் உணர்ச்சிவசப்பட்டேன். ஆனால், உங்களை நீங்களே முட்டாளாக்குவதைத் தவிர வேறு என்ன செய்ய முடியும்? கடைசி அதிர்ச்சியில் இருந்து நீங்கள் மீள்வதற்கு முன்பே, அடுத்த மரணம் தாக்கும்," என்றார் பஞ்சோலி.

ஜூனியர் டாக்டர்கள் முன்கூட்டியே மிகுந்த மன அழுத்தத்திற்கு ஆளானார்கள் என்று சிகிச்சையாளர்கள் தெரிவித்தனர்.

"கார்கில் போரின் போது, ​​இந்திய இராணுவ அகாடமி இராணுவத்தின் வலிமையை அதிகரிப்பதற்காக வழக்கத்தை விட முன்னதாக கேடட் பட்டம் பெற்றது. [இதேபோல்] ஜூனியர் டாக்டர்கள் அதைக் கையாளத் தயாராக இருப்பதற்கு முன்பே பணியில் ஈடுபடுத்தப்படுகிறார்கள். இவர்களில் பலர், கண் மருத்துவம் படிக்கும் மாணவர்கள், தோல் மருத்துவர்கள், இல்லையெனில் [அதிகம்] மரணத்தை பார்த்திருக்க மாட்டார்கள்," என்று ஆட்ஸ் டு லைஃப் அண்ட் காஃபிஷாப் கவுன்சிலிங்கை இயக்கும் உளவியலாளர் மற்றும் அதிதி சக்சேனா கூறினார்; இவை இரண்டுமே, அறிவாற்றல் நடத்தை சிகிச்சை மற்றும் வாழ்க்கைத் திறன் பயிற்சி ஆகியவற்றில் நிபுணத்துவம் பெற்ற போபால் சார்ந்த நிறுவனங்கள்.

அவரது மருத்துவர் நோயாளிகள், தொற்றுநோய்களின் போது வேலையில் மிகவும் குழப்பமான காட்சிகளைக் கண்டதாக சக்சேனா கூறினார். "கர்ப்பிணிப் பெண்கள் தங்கள் மூன்றாவது மூன்று மாதங்களில் இறப்பது மற்றும் வார்டுகளில் இறந்த உடல்களின் குவியல்களைப் போன்ற மிக துரதிர்ஷ்டவசமான மரணங்களை அவர்கள் கண்டிருக்கிறார்கள், இது அவர்களை பிந்தைய மனஉளைச்சல் சீர்கேடு (பி.டி.எஸ்.டி) நிலையில் வைத்திருக்கிறது," என்று அவர் கூறினார். டி.எஸ்.டி பெரும்பாலும் அசாதாரண நிகழ்வுகளுக்கு ஒரு சாதாரண எதிர்வினையாக இருந்தாலும் ஒரு நெருக்கடியை சமாளிக்கத் தவறியதாகக் கருதப்படுகிறது, சிகிச்சையாளர் கூறினார்.

ஏப்ரல் 24-30 க்கு இடையில் தொற்றின் உச்சத்தின்போது, போபாலில் ஒரு நாளைக்கு சராசரியாக 97 பேர் உயிரிழந்தனர்.

தொற்று எழுச்சியின் இருண்ட நாட்களில், எந்தவிதமான சிகிச்சையும் இல்லாத நிலையில், நோயாளி மீட்பு பற்றிய கதைகளைப் பரிமாறிக்கொள்வதன் மூலம் அவரும் அவரது சகாக்களும் தங்களை உற்சாகப்படுத்த முயன்றதை பஞ்சோலி நினைவு கூர்ந்தார்."இது எப்போதும் ஒரு நோயாளியை '65% செறிவூட்டல் பெ தா, ஹம் 99 பெ லெ ஆயே (அவர்களின் ஆக்ஸிஜன் செறிவு நிலை 65% ஆக இருந்தது, நாங்கள் அதை 99% வரை கொண்டு வந்தோம்) போன்றவற்றை மீண்டும் உயிர்ப்பிப்பதைப் பற்றியது" என்று அவர் கூறினார்.

தொடர்ந்து எண்ணிக்கைகளை தெரிவிப்பதற்கான அழுத்தம், நோயாளிகளில் ஆக்ஸிஜன் செறிவு அளவு போன்ற அளவுருக்களில் ஒவ்வொரு நிமிட மாற்றத்தையும் கண்காணித்தல், உயிர்களைக் காப்பாற்றுவதற்கான அழுத்தம் மற்றும் சுய சந்தேகத்தின் சுமை ஆகியவை, கவலைக்கு விரைவான தூண்டுதல்களாக மாறும் என, புனேவின் யுனலோம் தெரபி நிபுணரும், மருத்துவ இயக்குநருமான பார்கா பஜாஜ் கூறினார்.

"டாக்டர்கள் தங்கள் உணர்வுகளுடன் தொடர்பில் இருக்க பயிற்சி பெற வேண்டும், நீங்கள் தன்னியக்க விமானத்தில் இருக்கும்போது அதை செய்ய முடியாது" என்று சக்சேனா கூறினார்."இதுபோன்ற போர்க்கால அடிப்படையிலான சூழ்நிலைகளில் உந்துதல் அளவுகள் மிகவும் குறைவாகவே உள்ளன, மேலும் மருத்துவ ஓட்டத்தில் உள்ள அனைவருக்கும் தற்போது அதிக ஊதியம் வழங்கப்படுவதும் அதனுடன் சேர்க்கிறது" என்றார்.

இரு நிபுணர்களும் மருத்துவ சமூகத்திற்கு மனநலப் பிரச்சினைகள் குறித்த புரிதலும் பச்சாத்தாபமும் இல்லை என்று வாதிட்டனர். "இது ஒரு டாக்டராக இருந்தால், சிகிச்சைக்கு ஒரு மணிநேர விடுமுறை எடுக்க முடியாது என்பது எனக்குத் தெரியும். மனித மனம் மற்றும் உடற்கூறியல் பற்றிய அவர்களின் தொழில்நுட்ப அறிவு, உளவியல் சிகிச்சையைப் பற்றிய அவர்களின் பாராட்டுகளைப் பாதிக்கிறது, கிட்டத்தட்ட அவர்களின் மருத்துவப் பயிற்சி பேசுவது எவ்வாறு உதவுகிறது என்பதைப் புரிந்துகொள்வதற்கான வழியில் வருவதைப் போல,"என்று சக்சேனா கூறினார்."அவர்கள் அதைப் பற்றி பேசுவதை விட கவலை தணிப்பு மாத்திரையை எடுத்துக்கொள்வார்கள்"என்றார்.

ஒரு அதிர்ச்சிகரமான சம்பவத்தின் பின்னர் அதனை தணிக்க மருத்துவமனைகள் அதிக அதிர்ச்சி நிபுணர்களை நியமிக்க வேண்டும் மற்றும் 'மோசமான நிலையில், நெருக்கடி விவரக்குறிப்பு' குழுக்களை அமைக்க வேண்டும் என்றும் பஜாஜ் பரிந்துரைத்தார்.

(இஷிதா பாட்டீல், பிரகிருதி ஆர்யா மற்றும் கோகுலானந்தா நந்தன் ஆகிய, இந்தியா ஸ்பெண்ட் பயிற்சியாளர்கள் இக்கட்டுரைக்கு பங்களிப்பு செய்தனர்).